Балаҕан ыйын 27 күнэ Саха Республикатын судаарыстыбаннаһын күнэ бэлиэтэннэ. Ол курдук бу күн Хара-Алдан нэһилиэгэр Улуу Кыайыы 80 сылын көрсө «Улуу Кыайыы 80 сылынан» пааматынньык аһыллыытын үөрүүлээх чааһа буолла.
Ааптар: Петр Иванович Егоров.
Спонсор: ИП Винокуров Н.Г., «Хара-Алдан нэһилиэгэ»ТСТ.
Күнэ-дьыла: бэс ыйа, 2025 сыл.
Материала: сиэмэнинэн оҥоһуллубут скульптура.
Маастардар: Петр Иванович Егоров, Афанасий Афанасьевич Варфоломеев. Хас биирдии сир-дойду, улуус, нэһилиэк-туох эрэ туспа уратылаах, хатыламмат кэрэлээх буолар. Оннук сирдэртэн биирдэстэрэ-арылыйа устар Алдан эбэ кытыллаах талба Таатта саамай уһук кытыы бөһүөлэгэ-Хара-Алдан нэһилиэгэ.
1942 сыл күһүөрү сайын Таатта оройуонугар Хара-Алдан нэһилиэгэр 100-кэ тиийбэт хаһаайыстыбалаах «Төрүттэнии» диэн тыа хаһаайыстыбатын холкуоһун фрону балыгынан хааччыйар сыалтан балык артыалыгар уларытан тэрийбиттэрэ. Бөһүөлэктэн 25 км. кэриҥэ ыраах сытар Кыыртаах харгыта, Мохсоҕоллоох диэн сирдэргэ сыалыһардаабыттара. 1946-1948сс. «Төрүттэнии» холкуос балыксыттара Кэбээйи улууһугар тиийэ балыктаабыттара. Кэнники холкуостаахтар 1956-1958сс. Лена төрдүгэр, Булун улууһугар балыктаабыттара. Былаан туолан иһэрэ. Онон Хара-Алдан нэһилиэгэ сэрии, сут-кураан кэмнэргэ Улуу Кыайыы туһугар көмүс кылаатын киллэрбитэ. Бу пааматынньык нэһилиэк килбэйэр киинигэр оҥоһуллан туран дьон-сэргэ биһирэбилин ылла. Өссө бу бэлиэ күн нэһилиэкпитигэр 50 сыл бииргэ олорбут дьиэ кэргэттэри чиэстээһин буолла. Пелагея Гаврильевна, Петр Петрович Захаровтар, Варвара Ивановна, Григорий Николаевич Захаровтар Ил Дархан Айсен Сергеевич Николаев «За верность» анал бэлиэлиэринэн наҕараадаланнылар. Онтон киэһэ «Аллан» норуот айымньытын дьиэтигэр «Хара-Алдан нэһилиэгэ» тыа сирин түөлбэтин аҕа баһылыгын Крылов Софрон Аркадьевич, саҥа талыллыбыт нэһилиэк депутаттарын инаугурацията буолла. Бу киэһэни биир дойдулаахтарбыт Александра Старостина, Илья Павлов — Илдьар кэрэ ырыаларынан киэргэттилэр.