Муус устар 25 күнүгэр Хара-Алдан орто оскуолатыгар Улуу Кыайыы 80 сылын көрсө «Кыайыыны уһансыбыт аҕа саастаах көлүөнэҕэ сүгүрүйэбит» краеведческай конференция буолан ааста. Бу күн хас биирдии кылаас коллектива сэриигэ сылдьыбыт биир дойдулаахтарын сырдатан, үйэтитэн, музей фондатыгар туттардылар. Сити тэрээһин кэннэ тута «Сомоҕолоһуу оһуохайа» тэрилиннэ. Таатталыы тардыылаах оһуохайы Татьяна Новгородова таһаарда.

Ити күн, бүтүн Россиятааҕы акция чэрчитинэн «Кыайыы диктана» сурулунна. Уопсайа оҕолуун, улахан дьоннуун бу диктаны 24 киһи суруйда.

Муус устар 26 күнүгэр «Аллан» норуот айымньытын дьиэтигэр «Моя Якутия — Мин Сахам Сирэ» үрдүкү кылаас оҕолоругар квиз-оонньуу ыытылынна. 5 түһүмэхтээх күрэххэ 18 оҕо икки хамаандаҕа арахсан кыттыыны ыллылар.

Сахабыт Өрөспүүбүлүкэтэ өссө да сайда, үүнэ, чэчирии турарыгар баҕарабыт!!!