Алтынньы 28 күнүгэр нэһилиэкпит спорт саалатыгар оскуола физкультураҕа учууталлара Винокуров Д.М уонна Сарсычева Н.Е. көҕүлээһиннэринэн волейбол күрэҕэ тэриллэн ыытылынна. Уопсайа 4 хамаанда оонньоото. Орто оскуола үөрэнээччилэрин Крылов Егор командата (Старостин Алик, Попов Айтал, Левчикова София, Варламова Сардаана, Варламова Ираида уонна убайдыы-быраатты Уйдаан, Мичил Турантаевтар), Дмитрий Матвеевич Винокуров капитаннаах оскуола учууталларын командата (Семенов А.А., Таркайцев С.И., Миронов С.А., Мигалкин Г.В., Крылова С.Е., Халгаева Е.У.), Софрон Аркадьевич Крылов капитаннаах төрөппүттэр командалара (Варламов К.Е., Варламова К.М., Варламова Т.М., Варламова Ж.А., Новгородова Т.П.), Гаврил Вячеславович Старостин капитаннаах нэһилиэк командата (Северьянов П.В., Никулина У.И., Крылова А.А., Новгородов Д.Д, Новгородова С.С.). Круговой 15-тии очкоҕа дылы оонньооһун түмүгэр бастакы миэстэни орто оскуола учууталларын хамаандата ылары ситистэ. Төрөппүттэр хамаандалара 2-с, оскуола үөрэнээччилэрэ 3-с миэстэни ылары ситистилэр.

Быйылгы оонньууга көрөөччү, ыалдьааччы элбэҕэ биһирэбили ылла. Ону сэргэ дьиэ кэргэнинэн, биир дьиэ кэргэнтэн кэлэн оонньообут Крыловтары, Турантаевтары, Варламовтары, Новгородовтары бэлиэтээн ааттыыбыт.

Бу тэрээһиҥҥэ судейскай коллегия олус үчүгэйдик үлэлээтэ. Көрө кэлбит ыалдьааччыларга, судьуйа көмөлөһөөччүтэ учууталларга уонна спорт киэһэтин киэргэппит спортсменнарга инники ситиһиилэри, дьолу, доруобуйаны баҕарабыт. Спорду таптааҥ, спордунан дьарыктаныҥ!