Кыһыҥҥы ыйбытыгар үктэннибит. Биһиги өбүгэлэрбит Айыыларга, иччилэргэ олус итэҕэйэллэрэ, сиэри-туому тутуһаллара. Байанай —  баай хара тыа иччитэ, ойуур, көтөр–сүүрэр таҥарата. Кинини былыргы сахалар олус үөрүнньэҥ, кэһии биэрэр оҕонньор курдук саныыллара, сэтинньи ыйга Баай Байанайбыт дьоҥҥо чугаһыыр, ордук үөрүнньэҥ буолар диэн этэллэрэ.

Сэтинньи ый биһиги нэһилиэккэ күүтүүлээх ый. Ол курдук сылын аайы традиционнай күрэх киэҥ хабааннаахтык тэриллэн ыытыллар. Сэтинньи 15 күнүгэр нэһилиэк спорт саалатыгар олохтоох библиотека уонна «Аллан» норуот айымньытын дьиэтин көҕүлээһининэн «Сэтинньи — Байанай  ыйа 2025″ интеллектуальнай — спортивнай күрэх буолан ааста. Быйыл биирдии хамаанда алталыы кыттааччылаах буолла. Г.В.Егоров аатынан орто оскуола бастакы хамаандата (капитан физкультура учуутала Винокуров Д.М., Мигалкин Г.В., Барашкова О.Р., Крылова С.Е., Халгаева Е.У., Хактыг Оол Ч.Д.), оскуола иккис хамаандата  (капитан профсоюз председателэ Егорова О.П., Новгородова И.Е., Сарычева В.Е., Старостин П.П., Захаров Г.Н., Новгородов Д.Д.), уһуйаан уонна олох-дьаһах коммунальнай хаһаайыстыба үлэһиттэрин» хамаандата (капитан уһуйаан салайааччыта Крылова А.А., Варламов К.Е., Северьянов П.В., Ушницкая С.Е., Варламова Т.М., Новгородова С.С.), олохтоох дьаһалта уонна нэһилиэк кыра тэрилтэлэр  хамаандалара (капитан ветпуун үлэһитэ Старостин Г.В., Крылов С.А., Варламов Н.Е., Новгородова М.С., Варламова Ж.А., Попова Н.В.), оскуола үөрэнээччилэрин хамаандата (капитан Попов Айтал, Старостин Алик, Турантаев Мичил, Варламова Сардаана, Дмитриева Алина, Левчикова Софья) кыттыыны ыллылар. Уопсайа 6 түһүмэххэ тыҥааһыннаах киирсиилэр буолуталаатылар. Ол курдук 1-кы түһүмэх «Өй оонньуута», 2-с түһүмэх «Бултааһын», 3-с түһүмэх «Эстафета”, 4-с түһүмэх «Үрүҥ илгэ”, 5-с түһүмэх «Болуот” уонна 6-с түһүмэх канат тардыһыыта. Эриирдээх-мускуурдаах киирсии кэннэ 3 — миэстэ  орто оскуола иккис хамаандата, 2 — миэстэ олохтоох дьаһалта хамаандата уонна 1 – миэстэ ОДЬКХ, уһуйаан хамаандата таҕыстылар. Маны таһынан быйыл анал ааттар биирдиилээн кыттааччыларга туттарылыннылар. Ол курдук былыргы илии сэппэрээтэрин түргэнник хомуйбут ветучасток үлэһитэ Гаврил Старостин “Үрүҥ илгэ”, интеллектуальнай күрэххэ үгүс сөптөөх эппиэти биэрбит уһуйаан үлэһитэ Петр Северьянов “Тииҥ мэйии” анал ааты ыллылар. Бүгүҥҥү күрэххэ сүрдээх үчүгэй бириистэр туттарылыннылар. Спонсор “Аллан” НАДь, олохтоох библиотека Ульяна Ивановна Никулина. Тэрээһин биир тыынынан, олус үчүгэйдик ааста. Кыттааччыларга, дьүүллүүр сүбэҕэ тэрийээччилэр ааттарыттан махталбытын этэбит. Инникитин да нэһилиэккэ ыытыллар күрэхтэргэ, түмсүүлэргэ, концертарга көхтөөх кыттыыны ыларгытыгар ыҥырабыт. Тус бэйэҕитигэр, дьиэ кэргэҥҥитигэр дьолу-доруобуйаны!